पाटोदा तालुक्याच्या शिरपेचात आणखी एक मानाचा तुरा!
★चिंचोली चे सुपुत्र प्रवीण मच्छिन्द्र सांगळे ची भारतीय सेनेत ऑफिसर पदी नियुक्ती!
कुसळंब | सचिन पवार
श्री क्षेत्र गहिनीनाथ गड,चिंचोली ता- पाटोदा जि बीड येथील भारतीय सैन्य दलात 24 वर्षे यशस्वीरित्या भारत मातेचे संरक्षण करून सेवानिवृत्त झालेले श्री मच्छिन्द्र जिजाबा सांगळे यांचा मुलगा प्रवीण मच्छिन्द्र सांगळे यांनी यु पी एस सी (सी डी एस) मार्फत क्लास वन अधिकारी पदी त्यांची नियुक्ति झाली आहे. दिलेल्या परीक्षेत देशातून 71 व्या रँक ने यश संपादन करून सांगळे परिवाराचे,गावाचे, जिल्ह्याचे नाव उंचावले आहे.त्यांच्या या निवडीमुळे सर्व स्तरातून त्यांच्यावर अभिनंदनाचा वर्षाव होत आहे. त्यांचा या उत्तुंग यशाबद्दल चिंचोली ग्रामस्थांच्या वतीने नागरी सत्कार करण्यात येणार आहे. पाटोदा तालुक्यातील आठ्ठेगाव पुठठा मधील मागील काळात एम पी एस सी परीक्षेत श्री संतोष खाडे DYSP सावरगाव, श्री नागेश लाड (कामगार सह आयुक्त) चिखली, मनीषा केकाण (PSI) मूगगाव, प्रतीक्षा खाडे (लिपिक मंत्रालय) सावरगाव, यांची mpsc मधून निवड झालेली आहे… आठेगाव पुठ्ठा ची यशाची परंपरा प्रवीण मच्छिन्द्र सांगळे यांनी कायम ठेवली आहे.प्रवीण मच्छिन्द्र सांगळे यांच्या या निवडीबद्दल मा आमदार सुरेश अण्णा धस यांच्या शुभहस्ते व चिंचोली ग्रामस्थांच्या वतीने नागरी सत्कार करण्याचे आयोजन चिंचोलीच्या सरपंच सौ. रोहिणी मारुती सांगळे व ग्रामस्थांनी केले आहे.ते युवा उद्योजक बबन सांगळे यांचे बंधू तर सरपंच रोहिणी मारुती सांगळे व मारुती विला सांगळे सर यांचे पुतणे आहेत.
★देवस्थान गड आणि अधिकारी फक्त अठ्ठेगाव पुठ्यातच!
पाटोदा तालुक्यातील अठ्ठेगाव पुठा हा देवस्थान गडासाठी प्रसिद्ध आहे. आता येणाऱ्या काळामध्ये अधिकाऱ्यांचा अठ्ठेगाव – पुठा अशी ओळख निर्माण होते की काय अशी परिस्थिती सध्या निर्माण झाली आहे. गेल्या सात आठ महिन्यांमध्ये अनेक अधिकारी अठ्ठेगाव पुठ्या मधून तयार झाले आहेत. येणाऱ्या काळात देवस्थान गड बरोबर अधिकाऱ्यांचा अठ्ठेगाव – पुठ्ठा म्हणून ओळखला जाईल यात तीळ मात्र शंका नाही.
★लवकरच प्रवीण सांगळे चा सन्मान सोहळा
अठ्ठेगाव पुठा निर्माण करणारी फॅक्टरी आहे असं म्हटलं तर वाव वाटायला नको कारण की गेल्या पाच सहा महिन्यात अनेक अधिकारी याच आट्ठेगाव पुठ्ठ्यातून घडले आहेत त्याच युवकांच्या पाठीवर कौतुकाची थाप सुद्धा दिली असून आता नुकतीच प्रवीण सांगळे यांची अधिकारी म्हणून निवड झाल्यानंतर त्यांचा देखील ग्रामस्थांच्या वतीने सन्मान सोहळा आयोजित केल्याची माहिती सांगण्यात आली आहे.