★ ग्रामीण रुग्णालयात होणार तपासणी
पाटोदा | प्रतिनिधी
दरवर्षीप्रमाणे याही वर्षी मराठी पत्रकार परिषद स्थापना दिनानिमित्त पाटोदा मध्ये पत्रकारांसाठी आरोग्य तपासणी शिबिर मराठी पत्रकार परिषदेचे मुख्य विश्वस्त एस.एम.देशमुख यांच्या आदेशाने आणि मराठी पत्रकार परिषद जिल्हाध्यक्ष विशाल साळुंखे, पाटोदा तालुकाध्यक्ष अजय जोशी यांच्या मार्गदर्शनाखाली मराठी पत्रकार परिषद शाखा पाटोदा आणि ग्रामीण रुग्णालयाच्या संयुक्त विद्यमाने येत्या ३ डिसेंबर २०२४ रोजी पाटोदा येथील पत्रकारांसाठी आरोग्य तपासणी शिबीर सकाळी १० ते दुपारी २ या वेळेत पाटोदा – मांजरसुबा रोड शहीद चौक पाटोदा येथे ठेवण्यात आले असल्याची माहिती मराठी पत्रकार परिषद शाखा पाटोदा यांच्या वतीने देण्यात आली आहे.
मराठी पत्रकार परिषदेच्या वतीने संपूर्ण महाराष्ट्रभरात ३ डिसेंबरला दरवर्षी आरोग्य तपासणी शिबीराचे आयोजन करण्यात येते. या शिबीरात पत्रकार आणि त्यांच्या कुटूंबीयांची आरोग्य तपासणी केली जाते. या वर्षी पाटोदा येथील डॉ जाधव मध्ये १० ते २ या वेळेत होणार आहे. या शिबीरामध्ये रक्तदाब, मधुमेह, इसीजी, रक्त गट आदींची तपासणी होणार आहे. तरी सर्व पत्रकारांनी या शिबिराचा लाभ घ्यावा असे आव्हान मराठी पत्रकार परिषद शाखा पाटोदा आणि डॉक्टर जाधव यांच्या वतीने करण्यात आले आहे.