★मनोज जरांगे यांचा एल्गार छाताडावर बसून आरक्षण घेऊ ; बीडची सभा सरकारची झोप उडवणारी!
मराठ्यांनी ठरवलं तर रात्रीचा दिवस सुद्धा करू शकता ; पहाटे 3:40 पर्यंत एकही मराठा हलला नाही!
★एक मराठा लाख मराठा बीडकरांनी दिलं दाखवून
बीड | सचिन पवार
मराठ्यांचा क्रांतीसुर्य मनोज जरांगे पाटील यांनी सुरू केलेली भव्य संवाद यात्रा काल रात्री सहा वाजून तीस मिनिटांनी बीड येथे येणार होती परंतु तीच संवाद यात्रा दोन वाजून तीस मिनिटांनी दाखल झाली. या संवाद यात्रेला हजारो मराठे छत्रपती शिवाजी महाराजांच्या चौकामध्ये बसून मनोज जरांगे पाटील यांच्या आगमनाची वाट पाहत होते इतिहासामध्ये प्रथमच अशी घटना व असे चित्र पाहायला मिळाले. रात्रभर रस्त्यावर बसून आपल्या माणसाची वाट पाहणारे लाखो मराठे पाहायला मिळाले.
मनोज जरांगे पाटील यांचे बीड येथे आगमन झाल्यानंतर त्यांनी सभेला संबोधित करताना माझ्या डोक्यात हवा शिरलेली नाही मी आजही जमिनीवरच आहे. मराठा समाजाला आरक्षण मिळवून घेणे हे माझं स्वप्न आहे. सरकारच्या छाताडावर बसून आरक्षण मिळू असा विश्वास मराठा योद्धा म्हणून जरांगे पाटील यांनी व्यक्त केला. एवढ्या रात्री बीडमध्ये होणारी ही सभा भारतातील पहिलीच सभा असेल ही सभा पाहून सरकार झोपणार नाही मला भेटायला येणाऱ्या मंत्र्याची तर झोपच उडाली असेल असे फर्स्ट करत भावांनो दादांनो आणि माता भगिनींनो माझ्या जन्मभूमीने मला आज भरभरून दिले आहे माझ्या जवळ बोलण्यासाठी शब्दच नाहीत अशा भावनाही जरांगे पाटील यांनी व्यक्त केल्या. यावेळी उपस्थित आणि जोरदार घोषणा देत मनोज जरांगे आगे बढो हम तुम्हारे साथ है, एक मराठा लाख मराठा म्हणत अधिक ऊर्जा निर्माण केले. एक मराठा लाख मराठा काय असतो हे बीड करा मी आज पहाटे झालेल्या सभेतून दाखवून दिले मराठा क्रांती मोर्चाने अतिशय योग्य नियोजन योग्य नियोजन केले होते अर्ध्या रात्रीही बीड शहरात मराठा आरक्षणाची मशाल घेतली होती आणि तिचा लख्खप्रकाशात अखेर शहर नाहून निघाले होते.
★सभेतील विशेष मुद्दे!
1) सायंकाळी 6:30 ला होणारी सभा रात्री 2:30 ला झाली, पहाटे 3:40 पर्यंत मराठा समाज ठामपणे बसला
2) समाज बांधवांसह माता-भगिनींमध्ये प्रचंड उत्साह भगव्या पताका आणि घोषणांचा पाऊस
3) भव्य संवाद सभा पूर्ण होईपर्यंत प्रत्येक जण एकाच जाग्यावर बसून राहिला
4) इतिहासात पहिल्यांदाच अर्ध्या रात्री सभा झाली तेही प्रचंड गर्दीतन जरांगे पाटलांचं अभूतपूर्व स्वागत
5) ना भूतो ना भविष्य ना नेता ना मंत्री फक्त एका सर्वसामान्य मराठ्याच्या स्वागताला लाख मराठा उस्फूर्तपणे सहभागी