★भव्य संवाद यात्रेसाठी मराठा क्रांतीसुर्य मनोज जरांगे पाटोद्यात !
★14 तारखेच्या विराट सभेचा अनुषंगाने महत्त्वाच्या बैठका संवाद यात्रा सुरू
★6 ऑक्टोबर च्या पाटोद्यातील भव्य संवाद यात्रेला मोठ्या संख्येने उपस्थित रहा – सकल मराठा समाज
पाटोदा | सचिन पवार
14 ऑक्टोबर रोजी अंतरवाली सराटी येथे होणाऱ्या भव्य विराट सभेसाठी मराठा क्रांतीसुर्य मनोज जरांगे यांनी सुरू केलेला महाराष्ट्रातील संवाद दौरा सहा ऑक्टोबर रोजी पाटोदा येथे येणार आहे. मराठा क्रांतीसुर्य मनोज जरांगे यांच्या स्वागतासाठी पाटोदा तालुक्यातील मराठा समाजाकडून जोरदार तयारी सुरू आहे. सोशल मीडिया डिजिटल माध्यम गाव भेटी गाव बैठका मोठ्या प्रमाणात सुरू आहे. पाटोदा येथे सहा ऑक्टोबर रोजी मनोज जरांगे यांचा भव्य संवाद दौरा असल्याने पाटोदा तालुक्यातील प्रत्येक गावाने कंबर कसली आहे मोठ्या प्रमाणात सहभागी होण्यासाठी गावची गाव पेटून उठले आहेत. तर पाटोदा शहरांमध्ये छत्रपती शिवाजी महाराज चौकामध्ये होणारी भव्य संवाद यात्रा हजारोंच्या संख्येने पार पडणार असल्याचं बोललं जात आहे.
पाटोदा येथे क्रांतीसुर्य मनोज जरांगे यांची भव्य संवाद यात्रा सहा ऑक्टोबर रोजी येणार असल्याने पाटोदा येथे छत्रपती शिवाजी महाराज चौक पाटोदा येथे सभा पार पडणार आहे. क्रेनच्या साह्याने भव्य दिव्य त्यांचा सत्कार तसेच तिच्या माध्यमातून फुलांची उधळण करत त्यांचा स्वागत केला जाणार आहे. ढोल पथक हलक्या संबळ याचाही समावेश त्यांच्या स्वागतासाठी केला असून तोफांची सलामी सुद्धा त्यांना दिली जाणार आहे. त्यांच्या स्वागता बरोबर 14 ऑक्टोबरला अंतरवाली सराटी येथे होणारी विराट सभा ही भूतो ना भविष्य करण्यासाठी पाटोदा तालुक्यातील मराठा समाजाकडून कंबर कसली आहे. लाखोंच्या संख्येने पाटोदातील मराठा समाज आंतरवाली सराटी येथे उपस्थित राहणार आहे.
★पाटोदा तालुका मनोज जरांगेंच्या स्वागतासाठी सज्ज
पाटोदा तालुक्यात क्रांतीसुर्य मनोज जरांगे यांची भव्य संवाद यात्रा सहा ऑक्टोबर रोजी येणार असल्याने पाटोदा तालुक्यातील प्रत्येक गाव खेड्यातील मराठा समाज जागृत झाला असून मोठ्या संख्येने सहभागी होण्यासाठी सज्ज झाला आहे. तसेच पाटोदा तालुक्यात मनोज जरांगे यांच्या स्वागताची जोरदार तयारी सुरू आहे. मोठमोठे फ्लेक्स क्रेनच्या साह्याने भला मोठा हार हलकी ढोल पथक तोफांची सलामी सुद्धा नियोजन केले आहे. विशेष म्हणजे हजारोंच्या संख्येने मराठा समाज मनोज जरांगे यांच्या भव्य संवाद यात्रेला उपस्थित राहणार असल्याचा सुद्धा बोलला जात आहे.
★क्रांतीसुर्य मनोज जरांगेंच्या स्वागतासाठी..
6 ऑक्टोबर रोजी क्रांतीसुर्य म्हणून जरांगे पाटोदा येथे येणार असल्याने त्यांच्या स्वागतासाठी क्रेनच्या साह्याने हार, डीजे साऊंड सिस्टिम, डेकोरेशन, डिजिटल फ्लेक्स, किरण हार, जीसीपीच्या माध्यमातून फुलांची उधळण, तोफांची सलामी, हलक्या त्याचबरोबर ड्रोन च्या माध्यमातून सभेचं प्रक्षेपण सुद्धा केलं जाणार आहे. ही भव्य संवाद यात्रा तितकीच महत्त्वाची सुद्धा ठरणार आहे.
★भव्य संवाद यात्रेला मराठ्यांनी मोठ्या संख्येने उपस्थित रहा!
क्रांती क्रांतीसूर्य मनोज जरांगेंच्या सहा ऑक्टोबर रोजी पाटोदा येथील छत्रपती शिवाजी महाराज चौकामध्ये भव्य संवाद यात्रेचा आगमन होणार असून या ठिकाणी त्यांचं जंगी स्वागत केले जाणार आहे, त्यांच्या स्वागतासाठी पाटोदा तालुक्यातील सकल मराठा समाजाने मोठ्या संख्येने उपस्थित राहण्याचा आव्हान देखील करण्यात आले आहे.