[मराठ्यांची एकच मागणी सरसकट कुणबी मराठा!]
★लवकर निर्णय नाही झाला तर बीड जिल्ह्यात तीव्र आंदोलन – किशोर पिंगळे
बीड | प्रतिनिधी
समाजाला कुणबी प्रमाणपत्र सरसकट देऊन मराठा समाजाला न्याय मिळवण्यासाठी अंबड तालुक्यातील अंतरवाली सराटी असलेलं आमरण उपोषण हे मराठा समाजाला न्याय मिळवून देणाराच आहे. एक मराठा लाख मराठा काय असतो हे आंदोलनातून आता सबंध देशाला लक्षात आला असेल यातील मात्र शंका उरली नाही. एका मराठ्याच्या आंदोलनाने संपूर्ण महाराष्ट्र हादरला. कूटनीती करून राजकारण करणाऱ्यांना सुद्धा चांगलाच हादरा बसला आहे. मनोज जरांगे पाटील यांच्या आंदोलनाच्या लढ्यात राजमुद्रा सामाजिक संघटना सोबत असल्याचा विश्वास देण्यासाठी राजमुद्रा सामाजिक संघटनेचे संस्थापक किशोर पिंगळे यांच्यासह मराठा बांधव उपस्थित होते.
मनोज जरांगे पाटील यांच्या आंदोलनाच्या लढ्यात राजमुद्रा सामाजिक संघटना पूर्ण ताकतीने सोबत आहे. मराठा समाजाला आता कुणबी प्रमाणपत्र देऊन मराठा समाजाची अनेक वर्षाची मागणी लवकर सोडवली नाही तर राजमुद्रा संघटना मोठ्या ताकतीने तीव्र आंदोलन करणार असल्याचे सुद्धा जाहीर करण्यात आले आहे. येणाऱ्या काळात मराठा समाजाचा रुद्र अवतार पहायचाय का संयमी अवतार पाहायचा आहे, हे सरकार ने ठरवावे असा इशारा देखील सामाजिक संघटनेच्या वतीने देण्यात आला आहे, यावेळी राजमुद्रा सामाजिक संघटनेचे संस्थापक अध्यक्ष किशोर पिंगळे यांनी मनोज जरांगे पाटील यांच्याशी चर्चा केली आहे.
★अन्यथा राजमुद्रा सामाजिक संघटनेचे बीडमध्ये तीव्र आंदोलन!
मराठा समाजाच्या आरक्षणाचा प्रश्न लवकरात लवकर निकाली काढा अन्यथा राजमुद्रा सामाजिक संघटनेच्या वतीने बीड जिल्ह्यात तीव्र आंदोलन करण्यात येण्याचा इशारा देखील राजमुद्रा सामाजिक संघटनेच्या वतीने देण्यात आला आहे.
★आता एकच मागणी मराठ्यांना कुणबी प्रमाणपत्र सरसकट!
आता कोठ्यातील आरक्षण नको, कोणाचं हिसकावून आरक्षण नको तसेच घटनेच्या बाह्य देखील आरक्षण नको आता आमच्या हक्काचं आरक्षण तेही कुणबी प्रमाणपत्र घेऊनच मिळवणार आणि देणार कसं नाहीत, घेतल्याशिवाय आम्ही पण राहणार नाहीत, असा मराठा समाजाकडून एकच सूर निघताना दिसत आहे..