★ऐतिहासिक किल्ल्यांच्या संवर्धन व जतनासाठी ध्येयवेड्या तरुणाचा प्रवास!
बीड | प्रतिनिधी
छत्रपती शिवाजी महाराजांच्या गड किल्ल्याच्या संवर्धन, जतन व जनजागृतीसाठी रोहा (जि. रायगड) येथील चोवीस वर्षीय सुबोध विजय गांगुर्डे सायकलवरून ३६५ दिवसात ३७० गड किल्ले सर करीत माउंट एव्हरेस्ट गाठणार आहे. चिंचवण येथून प्रवासा दरम्यान गुरुवारी धनगर समाज संघर्ष समिती बीड जिल्हाप्रमुख दत्ता वाकसे, शिवप्रेमी गोंविद मात्रे, वैभव टी हाऊसचे मालक लक्ष्मण धायतिडक, नितिन कोठुळे, निवास तांबडे, शुभम आंबुरे, इत्यादी उपस्थित होते यावेळी यांनी त्यांचा सत्कार केला. अवघड आणि मोठे स्वप्न उराशी बाळगून ते पूर्ण करण्यासाठी अहोरात्र जिवाचे रान करणाऱ्या फार कमी व्यक्ती असतात. रोज त्याच स्वप्नांचा पाठलाग करीत संकल्पास साधना समजून रोहा (जि. रायगड) येथील चोवीस वर्षीय सुबोध विजय गांगुर्डे सायकलवरून ३६५ दिवसांत ३७० गडकिल्ले सर करून पुढे स्वराज्याची भगवी पताका जगातील सर्वोच्च शिखर असणाऱ्या माऊंट एव्हरेस्ट शिखरावर फडकवण्यासाठी निघाला आहे. रोहा (जि. रायगड) येथून २६ नोव्हेंबर २०२२ रोजी आई कुंदाबाई, वडील विजय व ज्येष्ठ बंधू सुमेधचा आशीर्वाद घेऊन तो सायकल दिंडीने मोहिमेवर निघाला आहे. राज्यात बारा हजार किलोमीटर सायकल प्रवास करून त्याने गुरुवारी चिंचवण मार्गे वडवणी बीड प्रवास चालू असताना त्यांचा सत्कार केला ३७० पैकी ३१० वा किल्ला सर केला. यापुढचे ६० किल्ले व माऊंट एव्हरेस्ट अशा तीस हजार किलोमीटरच्या प्रवासासाठी आता तो त्याच जिद्दीने निघाला आहे. यावेळी धनगर समाज संघर्ष समिती बीड जिल्हाप्रमुख दत्ता वाकसे, शिवप्रेमी गोंविद मात्रे, वैभव टी हाऊसचे मालक लक्ष्मण धायतिडक, नितिन कोठुळे, निवास तांबडे, शुभम आंबुरे, इत्यादी यांच्या सहकार्याने त्यांचा सत्कार केला व पुढील प्रवासासाठी तो रवाना झाला.